2024-yilda O‘zbekistonda 233,8 trln so‘mlik qurilish ishlari bajarilgan

2024-yil yanvar-dekabr oylarida O‘zbekistonda 233,8 trln so‘mlik qurilish ishlari bajarilgan. Bu haqda Statistika agentligi ma’lum qildi. 

Bu ko‘rsatkich 2023-yilning shu davriga nisbatan 8,8% ga oshgan.

2025-yil 1-yanvar holatiga ko‘ra, mamlakatda qurilish faoliyati bilan shug‘ullanayotgan korxona va tashkilotlar soni 27 408 tani tashkil etgan. Shulardan 6 555 tasi yoki 23,9% Toshkent shahrida joylashgan bo‘lib, bu qurilish korxonalarining eng katta qismini tashkil qiladi.

O‘tgan yilning yanvar-noyabr oylarida O‘zbekiston Respublikasida jami ixtisoslashtirilgan qurilish ishlari umumiy qurilish ishlarining 9,2% ulushini tashkil etgan. 

Ixtisoslashtirilgan qurilish ishlari faoliyatida eng yuqori ulush Toshkent shahri (14,5%), Qashqadaryo viloyati (12,9%) va Toshkent viloyati (12,1%) hududlarida qayd etildi. Boshqa hududlarda bu ko‘rsatkichlar quyidagicha taqsimlandi:

• Qoraqalpog‘iston Respublikasi — 5,3%;
• Andijon — 7,3%;
• Buxoro — 10,3%;
• Jizzax — 6,2%;
• Navoiy — 11,7%;
• Namangan — 5,4%;
• Samarqand — 4,3%;
• Surxondaryo — 5,6%;
• Sirdaryo — 5,8%;
• Farg‘ona — 5,0%;
• Xorazm — 3,4%.