Ijara xizmatlarining qariyb yarmi avtomobillar hissasiga to‘g‘ri keldi

2025-yilning yanvar–noyabr oylarida O‘zbekistonda ijara xizmatlari hajmi 11,6 trln so‘mga yetdi. Bu haqda Milliy statistika qo‘mitasi xabar bermoqda.

Ko‘rsatkich 2024-yilning mos davriga nisbatan 19% ga oshgan.

Ijara xizmatlari tarkibida eng katta ulushni yengil avtomobillar va boshqa avtotransport vositalarini ijaraga berish xizmatlari egalladi. Mazkur yo‘nalish umumiy hajmning 49% ini tashkil etdi.