Raqobat qo‘mitasi  “Aloqabank” ga moliyaviy jarima qo‘lladi

Raqobat qo‘mitasi  “Aloqabank” ga nisbatan ish qo‘zg‘atilib, moliyaviy jarima qo‘lladi. Bu haqda Qo‘mita rasmiy sahifasida ma’lum qildi. 

Unga ko‘ra, Raqobat qo‘mitasi Surxondaryo viloyati hududiy boshqarmasi tomonidan o‘tkazilgan o‘rganish davomida “Aloqabank” ATning Angor tumani xizmat ko‘rsatish markazi tomonidan tashqi reklama va axborotni joylashtirish tartibini buzganlik holatlari aniqlangan.

Xususan, “Reklama to‘g‘risida”gi Qonun va Vazirlar Mahkamasining “Tashqi reklama bozorini tartibga solish to‘g‘risida”gi 104-sonli qarori bilan tasdiqlangan Nizom talablari buzilgani sababli ish qo‘zg‘atilib, ishni ko‘rib chiqish yakunlari yuzasidan moliyaviy jarima qo‘llash yuzasidan qaror qabul qilindi.

Shuningdek, qonunbuzilish holatini bartaraf etish va kelgusida yo‘l qo‘ymaslik yuzasidan bajarilishi majburiy bo‘lgan ko‘rsatma berilgan.