Zominga aviaqatnovlar tiklanmoqda

“Silk Avia” Zominga muntazam aviaqatnovlarni tiklamoqda, deb xabar bermoqda “Uzbekistan Airways”.

Zomin aeroportida meteorologik uskunalarni modernizatsiya qilish ishlaridan so‘ng, aeroport samolyotlarni qabul qilishni boshladi.  Toshkent – Zomin – Toshkent yo‘nalishi bo‘yicha “Silk Avia” US1001/1002 aviakompaniyasining muntazam qatnovlari 27-dekabrdan boshlab amalga oshiriladi. Bir tomonga aviachiptalar narxi 121 ming so‘mdan boshlanadi va aviaqatnovlar har kuni amalga oshiriladi.

Aviachiptalarni “Silk Avia” rasmiy saytidan, shuningdek, aviakompaniyaning barcha agentlaridan xarid qilish mumkin.