O’zbekiston va Qozog’iston xalqaro yuk tashish uchun onlayn tizimni ishga tushirdi

O’zbekiston va Qozog’iston xalqaro yuk tashishni tartibga solish uchun E-Permit tizimini joriy qildi. Bu haqda transport vazirligining matbuot xizmati xabar beradi.

Yuk tashishni tezlashtirish uchun mamlakatlar ruxsat beruvchi shakllarning elektron almashinuv tizimini joriy etdilar. Birinchi kvotalar E-Permit tizimi orqali almashtirildi va yuk mashinalari «Yallama» chegara bojxona postidan o’tdi. Ushbu tizim transport vazirligi huzuridagi raqamli transport markazi mutaxassislari tomonidan sinovdan o’tkazilmoqda.

Eslatib o’tamiz, aprel oyi boshida Qozog’iston transport vazirligi O’zbekiston bilan elektron ruxsatnomalar almashinuvi 15 apreldan boshlanishini e’lon qilgan edi.