Yevropa Ittifoqi Rossiyaga qarshi 19-sanksiyalar paketini tayyorlamoqda

Yevropa Ittifoqi Rossiyaga qarshi 19-paket sanksiyalarni joriy etishni rejalashtirmoqda. Politico nashrining yozishicha, yangi cheklovlar orasida Yevropa mahsulotlarini uchinchi davlatlar orqali Rossiyaga qayta eksport qilishga taqiq kiritilishi ko‘zda tutilgan.

Manbaga ko‘ra, yevropalik diplomatlar bu sanksiyalar paketida katta o‘zgarishlar bo‘lishini kutmayapti. Ammo uchinchi davlatlar orqali Yevropa mahsulotlarini Rossiyaga qayta olib kirishni taqiqlash chorasi eng asosiy yangilik sifatida ko‘rilmoqda.

Ushbu qaror Yevropa mahsulotlarining Rossiyaga ruxsat berilgan mamlakatlar orqali qayta kirib kelishining oldini olish uchun qabul qilinmoqda.

Shuningdek, yangi paket cheklovlarni chetlab o‘tish va ulardan qochish amaliyotiga qarshi yo‘naltiriladi hamda Rossiyaning energetika va moliya sektorlariga nisbatan sanksiyalarni kuchaytirishni o‘z ichiga oladi.