Yaponiya O’zbekistonga chorvachilikni rivojlantirish uchun $200 mln qarz beradi

Taqdim etilgan mablag'lardan $40 mln charmni qayta ishlash va tayyor mahsulot ishlab chiqarish uchun imtiyozli kredit shaklida ajratiladi

Фото: «Узчармсаноат»

Yaponiya xalqaro hamkorlik agentligi (JICA) O’zbekistonga chorvachilik sohasini rivojlantirish uchun $200 mlnlik kredit mablag’larini taqdim etadi. Bu haqda «O’zcharmsanoat» matbuot xizmati xabar bermoqda.

Imtiyozli kreditlar ko’rinishidagi ushbu pul chorvachilik, parrandachilik va baliqchilik bilan shug’ullanadigan tadbirkorlarga beriladi. Bundan tashqari, ushbu mablag’ning $40 mlni charmni qayta ishlash va charmdan buyumlar ishlab chiqarish sanoatini rivojlantirishga sarflanadi.

Ushbu chora-tadbirlar yangi investitsiya loyihalarini amalga oshirishga va charm buyumlar ishlab chiqarishni ko’paytirishga yordam berishi kutilmoqda. Bu, o’z navbatida, yuqori qo’shimcha qiymatga ega mahsulotlar eksportining ko’payishiga yordam beradi.