O’zbekiston 10 oyda qariyb $2,5 mlrdlik to’qimachilik mahsulotlarini eksport qildi

O‘zbekistonda yanvar-oktyabr oylarida $2,4 mlrdlik to‘qimachilik mahsulotlari eksport qilindi, bu o‘tgan yilning shu davriga nisbatan 5,7%ga kam. Bu haqida Statistika agentligi xabar berdi.

Eksportning 39,1%ni tayyor mahsulotlar, 43,5%ni kalava iplar tashkil etdi. Bu davrda 56 davlatga mahsulot yetkazib berildi.

To’qimachilik mahsulotlari eksportiga quyidagilar kiradi:

• Ip — $1 mlrd
• Tayyor to‘qimachilik mahsulotlari — $952,3 mln;
• Trikotaj mato — $251,1 mln;
• Matolar — $119,4 mln;
• Paypoq mahsulotlari — $34,2 mln.

Bundan oldin, O’zbekiston meva-sabzavot mahsulotlarini $1 mlrddan ortiqqa eksport qilgani haqida xabar berilgandi.