O‘zbekistonda transport-logistika tizimida yangi raqamli platforma ishga tushirildi

O‘zbekistonda E-logistika raqamli platformasi ishga tushirildi. Bu haqda Transport vazirligi ma’lum qildi. 

Mamlakatning transport-logistika tizimini raqamlashtirish doirasida yuk tashuvlari shaffofligi va samaradorligini oshirishga mo‘ljallangan yagona E-logistika raqamli platformasi yaratildi.

Ushbu platforma orqali yuk tashuvlari va logistika xizmatlari to‘liq raqamlashtirildi.

E-logistikani ishlab chiqish va joriy etish O‘zbekiston Respublikasi Prezidentining farmoni doirasida ko‘zda tutilgan bo‘lib, xarajatlarni kamaytirish, tashuv jarayonlarini tezlashtirish va logistika xizmatlari sifatini yaxshilashga qaratilgan.