“Chevrolet Cobalt”ning yangi dizayni namoyish etildi

“UzAuto Motors” kompaniyasi “Chevrolet Cobalt” avtomobillarini yangi koʻrinishda ishlab chiqarishni boshlashga qaror qildi. Bu haqda kompaniya rasmiy sahifasida e’lon qildi.

Konsepsiyaning birinchi bosqichida avtomobilni qoramtir tusdagi yoritish tizimi va g‘ildirak disklar bilan jihozlash amalga oshiriladi. Keyinchalik esa avtomobilning ichki dizaynini yangilash rejalashtirilmoqda.

Shuningdek, “Chevrolet Cobalt Midnight” 106 ot kuchiga ega 1.5 litrli dvigatel va avtomatik uzatmalar qutisi bilan jihozlanadi.

Yaxshilangan tashqi ko‘rinishga ega avtomobil avvalgi “Cobalt” komplektatsiyasiga qo‘shimcha sifatida chiqariladi.