Raqobat qo‘mitasi “Yandex Go”ni xizmatlar narxini pasaytirishga majbur qildi

Dekabr oyining birinchi o‘n kunida narxlar dinamikasi keskin o‘zgargani aniqlandi

Фото: Yandex Go

“YandexGo UB” MCHJ o‘z xizmatlarida narxlarni keskin oshirganligi sababli Raqobat qo‘mitasi tomonidan ogohlantirildi.

Qo‘mita tomonidan “Yandex Go” platformasi monitoring qilinganda, dekabr oyining dastlabki 10 kunida narxlar dinamikasida keskin o‘zgarishlar aniqlangan.

Qonunga asosan, ustun mavqega ega deb e’tirof etilgan xo‘jalik yurituvchi subyektining ustun mavqeini suiiste’mol qilish, xususan monopol yuqori narx belgilash taqiqlanadi.

Holat yuzasidan “YandexGo UB” MCHJni taksida yo‘lovchi tashish xizmatlari narxlarini pasaytirish bo‘yicha chora ko‘rish hamda platforma narx algoritmini qayta ko‘rib chiqishi bo‘yicha ogohlantirish bergan.