“Yandeks”ning yillik soliq tushumlari 125 mlrd so’mni tashkil etdi

Soliq qo‘mitasi raisi va “Yandeks”ning global bosh direktori Daniil Shuleyko taksi agregatorlari orqali yo‘lovchi tashish sohasida muvaffaqiyatli fiskalizatsiya bo‘yicha fikr almashdilar. Bu haqda Soliq qo’mitasi xabar berdi.

Shuningdek, yillik soliq tushumlari miqdori 100 mlrd so‘mni tashkil etishi rejalashtirilgan, ammo 10 oyda bu reja ortig’i bilan 125 mlrd so‘mga yetganligi qayd etildi. 

Bu kompaniya bilan hamkorlikdagi ishlarning samaradorligini va yo‘lovchilarni tashish sohasida shaffof soliqqa tortishning natijasi sifatida keltirildi.