O’zbekistonda qancha xorijiy kompaniyalar borligi aniqlandi

2024 yil 1-aprel holatiga ko’ra O’zbekistonda 14,2 mingta xorijiy investitsiya ishtirok etgan korxona va tashkilotlar faoliyat ko’rsatmoqda. Bu haqda statistika agentligi xabar bermoqda.

Xorijiy kapital ishtirokidagi korxonalarning umumiy sonidan 4,5 mingtasi qo’shma korxonalar, 9,6 mingtasi esa xorijiy korxonalardir.

O’zbekistonda bunday faol kompaniyalarning eng ko’p soni quyidagi mamlakatlarga tegishli:

• Rossiya — 3 019 ta korxona
• Xitoy — 2 501 ta korxona
• Turkiya — 1 886 ta korxona
• Qozog’iston — 1 102 ta korxona
• Janubiy Koreya — 727 ta korxona
• AQSh — 311 ta korxona
• Tojikiston — 307 ta korxona
• Qirg’iziston — 280 ta korxona
• Ozarbayjon — 236 ta korxona
• Germaniya — 220 ta korxona
• Turkmaniston —  187 ta korxona