«O‘zbekneftgaz» 2024-2025 yillarda xorijiy banklardan kreditlar jalb qilishni rejalashtirmoqda

“O’zbekneftgaz” delegatsiyasining Buyuk Britaniyaga tashrifi chog’ida xorijiy banklar vakillari bilan uchrashuv bo’lib o’tdi, unda yangi kreditlarni jalb qilish imkoniyatlari muhokama qilindi. Bu haqda kompaniya matbuot xizmati xabar berdi. 

Uchrashuvda kompaniyaning so‘nggi korporativ yutuqlari va ishlab chiqarish natijalari, neft-gaz tarmog‘idagi tendensiyalar, istiqboldagi ustuvor vazifalar va moliyalashtirish ehtiyojlari ko’rib chiqildi.

Banklar 2024-2025 yillarda «O‘zbekneftgaz» AJ faoliyatini moliyalashtirishda ishtirok etishga qiziqishmoqda

Ular tomonidan sindikatlashtirilgan kreditni tashkil etish, qo‘shimcha yevrobondlarni chiqarish va xedjlash strategiyalari kabi turli moliyaviy instrumentlar taklif etildi. 

Shuningdek, eksport kredit agentligi (ECA) yoki ko‘p tomonlama investisiyalar kafolatlari agentligi (MIGA) asosida moliyalashtirishning muqobil manbalari ko’rib chiqildi

Ekologik, ijtimoiy va boshqaruv (ESG) maqsadlarini amalga oshirish va neft-gaz sohasi xususiyatlaridan kelib chiqib, chiqindilarni kamaytirish loyihalariga alohida e’tibor berildi.