10.4.2025 | 13:03

Tashqi ishlar vazirligi Xitoy bilan vizasiz rejim bekor qilinishi haqidagi mish-mishlarni rad etdi

Ichki davlat proseduralarini yakunlangach, 30 kunlik vizasiz rejim to‘g‘risidagi kelishuv kuchga kiradi

Фото: Министерство иностранных дел

O‘zbekiston Tashqi ishlar vazirligi matbuot kotibi Ahror Burhonov Xitoy bilan vizasiz rejim bo‘lmasligi haqidagi mish-mishlarni rad etdi.

Gazeta.uz so‘roviga javoban u tomonlar davlat ichki protseduralarini yakunlayotganini, shundan so‘ng 30 kunlik vizasiz rejim amal qila boshlashini aytdi.

O‘tgan yilning 1-dekabr kuni O‘zbekiston va Xitoy tashqi ishlar vazirlari ikki mamlakat fuqarolarini viza talablaridan o‘zaro ozod qilish to‘g‘risidagi bitimni imzolagan edi.