Xitoy banki O‘zbekistonda irrigatsiya tizimlarini rekonstruksiya qilish uchun $220 mln ajratadi

Ajratilgan mablag irrigatsiya infratuzilmasini tiklashga va modernizatsiya ishlariga sarflanadi

Xitoyning Eksimbanki O‘zbekistonda irrigatsiya tizimlarini rekonstruksiya qilish uchun $220 mln ajratadi. Moliyalashtirish O‘zbekiston Prezidenti Shavkat Mirziyoyevning qarori asosida amalga oshiriladi.

Ajratilgan mablag‘ning $160 mlni Buxoro, Namangan va Surxondaryo viloyatlarida irrigatsiya infratuzilmasini tiklashga yo‘naltiriladi, qolgan $60 mlni esa Qashqadaryo viloyatida modernizatsiya ishlari uchun sarflanadi.

Loyihaning bosh pudratchilari sifatida Xitoyning “CITIC Construction” va “China CAMC Engineering” kompaniyalari faoliyat olib boradi. Loyihalash ishlarini esa O‘zbekistonning “Suvloyiha” va “O‘zGIP” tashkilotlari amalga oshiradi.