Xitoy avtomobillarini yetkazib berish ikki baravarga ko’paydi

Yanvar-fevral oylarida Xitoy yengil avtomobillarining O’zbekistonga yetkazib berilishi ikki baravarga ko’paydi va 9,4 mingni tashkil etdi. Bu haqda Tazabek xabar bermoqda.

Dollar qiymatidagi yetkazib berish hajmi ham 74% ga o’sib, $188 mlnga etdi.

Eslatib o’tamiz, O’zbekiston mamlakatning iqlim va yo’l sharoitlariga yaroqsizligi sababli BYD elektromobillarini import qilishga cheklovlar qo’ymoqchi.

Hujjatda ta’kidlanishicha, investor (BYD) hukumatdan mahalliy iqlim va yo’l sharoitlariga mos kelmaydigan va rasmiy kafolatga ega bo’lmagan elektr transport vositalarining tartibsiz importini cheklashni so’ragan.