Vengriya kompaniyasi O‘zbekistondagi AESlarda quruq sovitish texnologiyalarini joriy etadi

19-20 may kunlari O‘zbekiston prezidenti Vengriya bosh vaziri Viktor Orbanning taklifiga binoan rasmiy tashrif bilan Budapeshtda bo‘ldi.

Muzokaralar chog‘ida atom energiyasidan tinch maqsadlarda foydalanish sohasida hamkorlikni rivojlantirish bo‘yicha hukumatlararo va idoralararo hujjatlar imzolandi.

“O‘zatom” agentligi va Vengriyaning “MVM EGI Zrt.” kompaniyasi o‘rtasida hamkorlik shartnomasi va Anglashuv memorandumi imzolandi.

Bitim ilmiy tadqiqotlar, yangi texnologiyalarni joriy etish, AES uchun quruq sovitish tizimlarini yetkazib berish, texnologiyalarni mahalliylashtirish va mutaxassislarni tayyorlashni nazarda tutadi.

Memorandum O‘zbekistonda atom elektr stansiyasini qurish bo‘yicha uzoq muddatli sheriklik va hamkorlik mexanizmlarini belgilaydi.

“MVM EGI Zrt.” Vengriyaning yetakchi energetika kompaniyasi bo‘lib, elektr stansiyalari uchun suvni tejaydigan sovutish tizimlariga ixtisoslashgan.