Toshkent viloyatida “Ugam River” tur markazi ishga tushirildi

Toshkent viloyatida Bo’stonliq tumanidan “Ugam River” sayyohlik markazining ishga tushirish marosimi bo’lib o’tdi. Bu haqda turizm qo’mitasi xabar beradi.

Loyiha doirasida 13,7 gektar maydonda zamonaviy kvartiralar, restoran, fitnes-klub va avtomobillar to’xtash joylari qurilishi rejalashtirilgan. 

Turizm qo’mitasi raisi Umid Shadiyev Toshkent viloyatining Bo’stonliq tumaniga tashrif buyurib, tumanning turistik jozibadorligini oshirish hamda mahalliy va xorijiy sayyohlarni jalb etishga qaratilgan bir qator investitsiya loyihalari bilan tanishdi. 

Shuningdek, 31,5 ming kvadrat metr maydonda “Chinorkent” arqon yo’li yonida ikkita mehmonxona va savdo obyektlarini qurish loyihalari va 24,5 gektar maydonga ega bo’lgan “Charvak darvozalari” loyihasi taqdim etildi.

Shadiyevning ta’kidlashicha, so’nggi besh yil ichida mintaqaga chet ellik sayyohlar soni qariyb ikki baravar ko’payib, 350 mingdan 560 mingga, mahalliy sayyohlar soni esa besh baravar ko’paydi — 2 milliondan 10 milliongacha.