“Astra Exim Tech and Research Agency” Raqamli ta’limni rivojlantirish markazi tenderida g’olib bo‘ldi

2025-yil 17-fevral kuni Raqamli texnologiyalar vazirligi huzuridagi Raqamli ta’limni rivojlantirish markazi tomonidan “IT ta’lim markazlariga subsidiya berish (IT Talents) axborot tizimini takomillashtirish” doirasida “IT-iste’dod”, “Uzbekcoders” va “IT-shaharcha” modullarini yaratish bo‘yicha tanlov o‘tkazildi. 

Loyihaning boshlang‘ich qiymati 1,14 mlrd so‘m etib belgilangan.

Tenderda ikki ishtirokchi o‘z takliflarini taqdim etgan. Eng past narx — 1,13 mlrd so‘m taklif qilgan “ASTRA EXIM TECH AND RESEARCH AGENCY” MCHJ g‘olib deb topilgan. 

Biroq, 17-fevral holatiga ko‘ra, ushbu kompaniya yuridik shaxslarning yagona davlat registri va Soliq qo‘mitasi ma’lumotida faoliyat ko‘rsatmayotgani qayd etilgan. 1-rasm

Boshqa manbalarga qaralsa, “ASTRA EXIM TECH AND RESEARCH AGENCY” MCHJ 2024-yil 27-iyundan beri faoliyat yuritmayotgan deb taxmin qilish mumkin.

Shu bilan birga, ushbu kompaniya 2024-yil 27-dekabr sanasida IT-Park rezidentlarining yagona reyestriga kiritilgan. (2-qism)

Bu holat tender jarayoni va g‘olib kompaniyaning hozirda faoliyat yuritayotgani borasida savollar tug‘diradi. Shuningdek, faoliyat ko‘rsatmayotgan kompaniya qanday qilib IT-Park rezidenti sifatida ro‘yxatga olingani ham juda qiziq.

1-rasm

2-qism