Transport xizmatlari hajmi 2030-yilga borib 301 trln so‘mga yetkaziladi
Shuningdek, 5 ta yirik aeroport davlat-xususiy sheriklik asosida modernizatsiya qilinadi
Jamoatchilik muhokamasiga qo‘yilgan hujjat loyihasiga ko‘ra, 2026–2030-yillarda O‘zbekistonning global transport-logistika tarmoqlariga integratsiyasi bosqichma-bosqich kuchaytiriladi.
Jumladan, transport xizmatlari hajmi 2026-yilda 205 trln so‘mni tashkil etadi. 2027-yilda bu ko‘rsatkich 227,9 trln so‘mga, 2028-yilda 252,7 trln so‘mga yetadi. Keyingi yillarda o‘sish davom etib, 2029-yilda 284,5 trln so‘mni, 2030-yilda esa 301 trln so‘mni tashkil etishi rejalashtirilgan.
O‘zbekiston hududi orqali o‘tadigan tranzit yuk tashish hajmi 2026-yilda 14,9 mln tonna bo‘lishi kutilmoqda. 2027-yilda bu ko‘rsatkich 15,3 mln tonnaga, 2028-yilda 15,7 mln tonnaga oshadi. 2029-yilda tranzit hajmi 15,9 mln tonnani, 2030-yilda esa 16 mln tonnani tashkil etadi.
Temir yo‘l yuk tashish muddatlari Samarqand–Qoraqalpog‘iston yo‘nalishida 2026-yilda o‘rtacha 9 sutkani tashkil etsa, 2027–2028-yillarda 8 sutkaga qisqartiriladi. 2029-yilda bu muddat 7 sutkaga, 2030-yilda esa 6 sutkaga tushirilishi ko‘zda tutilgan.
Yo‘lovchi va yuk tashish xizmatlari hajmi 2026-yilda 199,1 trln so‘m bo‘ladi. 2027-yilda 220,9 trln so‘mga, 2028-yilda 235,7 trln so‘mga yetadi. 2029-yilda 249,3 trln so‘m, 2030-yilda esa 250 trln so‘mlik ko‘rsatkich rejalashtirilgan.
Elektrlashtirilgan temir yo‘llar ulushi 2026-yilda 53,7%ni tashkil etadi. 2027-yilda bu ko‘rsatkich 55%ga, 2028-yilda 57,3%ga oshadi. 2029-yilda 60%ga, 2030-yilda esa 65%ga yetkazilishi belgilangan.
Aviqatnovlar soni 2026-yilda 140 mingta bo‘lib, shundan 37 mingi hududlararo qatnovlarga to‘g‘ri keladi. 2027-yilda jami reyslar 145 mingta (38 ming hududiy), 2028-yilda 167 mingta (39 ming), 2029-yilda 185 mingta (40 ming) bo‘ladi. 2030-yilda esa aviaqatnovlar soni 200 mingtagacha, hududlararo reyslar esa 41 mingtagacha yetkaziladi.
Hududiy aviaqatnovlar soni 2026-yilda 624 tani tashkil etadi. 2027-yilda 728 taga, 2028-yilda 936 taga oshadi. 2029-yilda bu ko‘rsatkich 1 144 taga, 2030-yilda esa 1 560 taga yetadi.
Avtomobil yo‘llarini qurish va rekonstruksiya qilish hajmi 2026-yilda 8,6 ming kmni tashkil etadi. 2027-yilda 8,8 ming km, 2028-yilda 9 ming km, 2029-yilda 9,3 ming km va 2030-yilda 9,5 ming kmga yetkazilishi rejalashtirilgan.
Pulli avtomobil yo‘llari qurilishi 2026-yilda boshlanmaydi. 2027-yilda 50 km, 2028-yilda 75 km, 2029-yilda 100 km va 2030-yilda jami 130 km pulli yo‘l foydalanishga topshirilishi ko‘zda tutilgan.
Avtobuslar parki bosqichma-bosqich kengaytiriladi. 2026-yilda avtobuslar soni 2 453 tani tashkil etadi. 2027-yilda bu ko‘rsatkich 3 053 taga, 2028-yilda 3 653 taga, 2029-yilda 4 300 taga yetkaziladi. 2030-yilga borib esa jamoat transporti parkidagi avtobuslar soni 5 000 taga yetishi rejalashtirilgan.
2026-yilda elektrobuslar soni 746 ta bo‘ladi. 2027-yilda ularning soni 1 046 taga, 2028-yilda 1 346 taga, 2029-yilda 1 646 taga yetadi. 2030-yilda esa elektrobuslar parki 2 000 taga yetkazilishi ko‘zda tutilgan.
Shuningdek, quyidagi rejalar amalga oshirilishi rejalashtirilmoqda:
| Ko‘rsatkich | 2026-yil | 2027-yil | 2028-yil | 2029-yil | 2030-yil |
|---|---|---|---|---|---|
| Nukus va viloyat markazlaridagi BRT yo‘nalishlari soni | 132 ta | 174 ta | 208 ta | 228 ta | 248 ta |
| Tezkor poyezdlarda tashilgan yo‘lovchilar | 1,5 mln | 2 mln | 2,5 mln | 2,75 mln | 3,25 mln |
| DXSh asosida modernizatsiya qilinadigan yirik aeroportlar | 1 ta | 2 ta | 3 ta | 4 ta | 5 ta |
| Xususiy aviakompaniyalar soni | 14 ta | 14 ta | 14 ta | 15 ta | 15 ta |
| Aviaparkdagi havo kemalari soni | 120 ta | 147 ta | 158 ta | 167 ta | 180 ta |
| Havo transportida tashilgan yo‘lovchilar | 16 mln | 18 mln | 20 mln | 22 mln | 24 mln |
Ulashish:
Moliya va biznes haqida ko'proq yangiliklar Telegram kanalda @KPTLUZ
