Toshkent viloyatida $150 mlnlik FeS qurilishi boshlandi

Toshkent viloyatining Bo’ka tumanida to’g’ridan-to’g’ri investitsiyalar hisobiga 263 MVt quvvatga ega $150 mlnlik fotoelektro stansiya qurilishi boshlandi. Bu haqda viloyat hokimligi matbuot xizmati ma’lum qildi. 

Loyiha Xitoyning “China Datang” kompaniyasi tomonidan amalga oshirilmoqda. Ochilish marosimida korporatsiya boshqaruvi raisi Chjou Ley, uning o’rinbosari Li Chjanvey va rahbariyatning boshqa vakillari ishtirok etdilar. 621 gektar maydondagi fotoelektr stansiyasi “Buka” mahallasida joylashgan bo’ladi. 

Qurilish uchun investitsiya shartnomasi prezidentning Xitoyga tashrifi doirasida bo’lib o’tgan biznes sammiti paytida tuzilgan.