«Toshkent» fond birjasi yana ikkita kompaniya aksiyalarini kotirovka varaqasidan chiqarib tashladi

«Toshkent» respublika fond birjasi (RFB) «Qo’qon biokimyo» va «BMKB Agromash» kompaniyalarining aksiyalarini kotirovka varaqasidan chiqarib tashladi.

14 fevral kuni fond birjasi boshqaruvi 15 fevraldan boshlab «Qo’qon biokimyo» va «BMKB Agromash» kompaniyalarining qimmatli qog’ozlarini birja kotirovkalari ro’yxatining «tranzit» toifasidan chiqarib tashlash to’g’risida qaror qabul qildi.

Qo’qon biokimyo zavodi 1983 yilda o’g’it ishlab chiqarish maqsadida tashkil etilgan. 1991 yildan boshlab zavod etil spirti ishlab chiqarishga o’tdi va yiliga 4 mln mahsulot ishlab chiqarib O’zbekistonda ushbu mahsulotning eng yirik ishlab chiqaruvchilardan biri bo’lib.

«Bosh Maxsus Konstruktorlik Byurosi — Agromash» aksiyadorlik jamiyati («BMKB-Adgomash») 1946 yilda paxtachilik mashinalari bo’yicha Davlat ixtisoslashtirilgan konstruktorlik byurosi sifatida ish boshladi. O’shandan beri u o’z faoliyatini rivojlantirdi va kengaytirdi, qishloq xo’jaligining turli tarmoqlari, masalan, g’allachilik, ozuqa ishlab chiqarish, kartoshka etishtirish va boshqalar uchun ilmiy tadqiqotlar va texnologiyalarni ishlab chiqdi.

Eslatib o’tamiz, joriy yilning fevral oyi boshida «Toshkent» respublika fond birjasi 7 fevraldan boshlab to’qqizta kompaniya aksiyalarini kotirovka ro’yxatidan chiqarib tashladi.