“Toncoin” narxlari keskin tushishib ketdi

“Telegram” asoschisi Pavel Durovning hibsga olinishi haqidagi yangiliklar fonida “Toncoin” kripto valyutasi kursi keskin pasayib ketdi. Bu haqda “Coinmarketcap” ma’lumotlaridan ma’lum bo’ldi.

Toshkent vaqti bilan soat 11:00 da bitta token taxminan $5,72ga tushdi. So’nggi 36 soat ichida kripto valyuta $1 yoki 17% dan ko’pga arzonlashdi va kapitallashuv $2,65 mlrdga kamaydi.

24-avgustdan 25-avgustga o’tar kechasi “Toncoin” taxminan $6,80ni tashkil qilgan. Biroq, Durov hibsga olinganligi haqida xabar tarqalganidan so’ng bir soat ichida u $6 (-11,8%) dan pastga tushdi, yakshanba kuni tushdan keyin esa $5,40 dan tushdi.

“Toncoin” (TON) — bu TON (The Open Network) blokcheyn platformasi bilan bog’liq kriptovalyuta. TON dastlab “Telegram” jamoasi tomonidan ishlab chiqilgan, ammo huquqiy muammolar tufayli loyiha to’xtatilgan va ishlab chiquvchilar hamjamiyati uni yanada rivojlantirishni o’z zimmasiga olgan.

“Toncoin” ton ekotizimidagi turli operatsiyalar, jumladan to’lovlar, o’tkazmalar, aqlli shartnomalar bilan o’zaro aloqalar va staking uchun ishlatiladi.