Mubadala va TAQA Tolimarjon IESning 80% ulushini sotib oldi

Birlashgan Arab Amirliklarining Mubadala suveren fondi va TAQA milliy energetika kompaniyasi O‘zbekistonning Tolimarjon issiqlik elektr stansiyasidagi ulushni sotib olish bo‘yicha bitimni yakunladi. Bu haqda Gulf Business nashri xabar bermorda.

Bitim asosida “Talimarjan Power Plant 1” nomli maxsus loyiha kompaniyasi tashkil etildi. Mubadala va TAQA bu kompaniyadagi aksiyalarning har biridan 40% dan oldi. Qolgan 20 foizlik ulush esa O‘zbekiston tomonida – “Talimarjon IES” aksiyadorlik jamiyati orqali saqlanib qoladi. Huddi shunday mulkchilik tuzilmasi stansiyani boshqaradigan “Talimarjan Operations & Maintenance” kompaniyasida ham joriy etiladi.

Mazkur xususiylashtirish bitimi 2022-yil sentyabr oyida imzolangan. Uning doirasida BAA investorlari stansiyani modernizatsiya qilish uchun $240 mln miqdorida sarmoya kiritadi hamda $700 mlnga yaqin qarz majburiyatlarini to‘laydi.

Shuningdek, tomonlar 25 yil davomida elektr energiyasi yetkazib berish bo‘yicha “O‘zenergosotish” davlat kompaniyasi bilan shartnoma imzolagan.

Nashrning qayd etishicha, bu bitim O‘zbekiston va BAA o‘rtasida energetika sohasidagi strategik hamkorlikning mustahkamlanayotganidan dalolat beradi.