O’zbekistonda ayrim tadbirkorlarga budjetga to‘langan solig‘ining 20% qaytarib beriladi

Umumiy ovqatlanish, turoperatorlik va mehmonxona xizmatlarini ko‘rsatuvchi tadbirkorlikga budjetga to‘langan QQSning bir qismini qaytarish bo’yicha vaqtinchalik nizom belgilandi.

Unga ko‘ra, 2024-yil 1-oktyabrdan boshlab turoperatorlik va mehmonxona xizmatlarini ko‘rsatuvchi tadbirkorlarga budjetga to‘langan soliqning 20% qaytariladi.

Shuningdek, 2025-yil 1-yanvardan boshlab umumiy ovqatlanish xizmatlarini ko‘rsatuvchi tadbirkorlarga oylik xizmatlarni realizatsiya qilish bo‘yicha aylanmasining naqd pulsiz qismi 60% va undan yuqori bo‘lsa, budjetga to‘langan soliqning 40%, 60%dan kam bo‘lsa 20% qaytariladi.

Tadbirkorlar soliq hisobotini taqdim etgandan so‘ng, 3 oydan kechiktirmasdan soliqning bir qismini qaytarish uchun murojaat qilishlari mumkin bo’ladi.

Quyidagi shartlarni to’liq bajarganlarga soliqning bir qismi avtomatik qaytariladi:

• hisobot davrida soliq bo‘yicha taqdim etilgan soliq hisobotiga muvofiq hisoblangan soliq budjetga to‘liq to‘langanda;
• hisobot davrida umumiy ovqatlanish, turoperatorlik yoki mehmonxona xizmatlarini ko‘rsatish bo‘yicha umumiy tovar aylanmasi jami tovar aylanmasining 90%dan kam bo‘lmaganda;
• hisobvaraq-fakturalarda yoki nazorat-kassa texnikasi cheklarida realizatsiya qilingan tovarlar nomenklaturasi hamda faoliyatining o‘ziga xos xususiyatlariga yoki amalga oshiriladigan turlariga muvofiq bo‘lgan identifikatsiya kodlari aks ettirilgan qismiga nisbatan.

Ushbu vaqtinchalik nizom 2028-yil 1-yanvarga qadar amal qiladi.