Raqobatni rivojlantirish qo‘mitasi “Toshshahartransxizmat” AJning tender savdolari natijasini bekor qildi

O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi xabariga ko‘ra, “Toshshahartransxizmat”ning “Transportni boshqarishning intellektual tizimi uchun texnik jihozlarni sotib olish” bo‘yicha o‘tkazgan tender savdolari natijasini bekor qildi.

O‘rganishlar davomida tenderda “Toshshahartransxizmat” AJ tomonidan “Raqobat to‘g‘risida”gi Qonun talablariga rioya qilinmaganlik alomatlari aniqlangan.

Tenderda ishtirok etish uchun 6 ta talabgorlar tomonidan taklif hujjatlari taqdim qilingan va “Xiamen Magnetic North Technology Co. Ltd” 33,6 mlrd so‘mlik taklif narxi bilan g‘olib deb topilgan edi.

Endilikda tenderda g‘olib deb topilgan tashkilot va buyurtmachi o‘rtasida tuzilgan shartnoma Qo‘mita tekshiruv yakuniga qadar bekor qilindi.