Bishkekda Xitoy — Qirg’iziston — O’zbekiston temir yo’lini qurish bo’yicha kompaniya tashkil etildi

Vazirlar Mahkamasi raisi va Qirg’iziston prezidenti administratsiyasi rahbari Aqilbek Japarov Bishkekda Xitoy — Qirg’iziston — O’zbekiston temir yo’l kompaniyasining ochilish marosimida ishtirok etdi. Bu haqda Vazirlar Mahkamasi matbuot xizmati xabar bermoqda.

Uning ta’kidlashicha, ushbu loyiha mintaqa mamlakatlari o’rtasidagi savdo-iqtisodiy aloqalarni mustahkamlashda muhim qadam bo’ladi. Aqilbek Japarovning so’zlariga ko’ra, bu loyiha juda yuqori baholanadi va asr qurilishi deb ataladi. U Xitoy — Qirg’iziston — O’zbekiston temir yo’li Buyuk Ipak yo’lining muhim qismiga aylanishiga ishonch bildirdi.

Tadbirda Xitoyning Qirg’izistondagi favqulodda va vakolatli elchisi Du Deven, Xitoy xalq Respublikasi taraqqiyot va islohotlar davlat qo’mitasi xorijiy investitsiyalar va investitsiyalardan foydalanish departamenti direktorining o’rinbosari Chjan Tzyanxua, O’zbekiston transport vaziri Ilhom Maxkamov, “China Railway International” kompaniyasining bosh direktori Chjou Sin va boshqa vakillar ham ishtirok etdi.