Xitoy, Qirg’iziston va O’zbekiston o’rtasida temir yo’l qurilishi 2024-yil oktyabr oyida boshlanadi

Qirg’iziston prezidenti Sodiq Japarov Osh viloyatiga safari chog’ida Xitoy — Qirg’iziston — O’zbekiston temir yo’li qurilishi shu yilning oktyabr oyida boshlanishini ma’lum qildi. Bu haqda kaktus.media xabar bermoqda.

Temir yo’l qurilishi tugallangandan so’ng, Qirg’iziston dengiz yo’llari orqali jahon bozorlariga chiqadigan tranzit mamlakatga aylanadi.

Uning so’zlariga ko’ra, hozirgi vaqtda Qirg’iziston logistika imkoniyatlari cheklangan, chunki u Jahon bozoriga chiqish uchun Qozog’iston va Rossiya orqali temir yo’llardan foydalanishga majbur.