O’zbekiston, Xitoy va Qirg’iziston temir yo’l liniyasini birgalikda qurish to’g’risida kelishib oldilar

6 iyun kuni Pekinda «Xitoy – Qirg’iziston – O’zbekiston» temir yo’lini qurish to’g’risida bitim imzolandi. Bu haqda davlat matbuot xizmati xabar bermoqda.

Prezident Shavkat Mirziyoyev loyihaning boshlanishi keng mintaqada iqtisodiy va transport aloqalarini mustahkamlashga qaratilgan tarixiy voqea ekanligini ta’kidladi. Ushbu temir yo’l liniyasi Xitoyni mintaqa bilan bog’laydigan eng qisqa «elka» bo’ladi, deya qo’shimcha qildi.

Kelajakda ushbu yo’l istiqbolli Transafg’on yo’lagi orqali Janubiy Osiyo va yaqin Sharq davlatlarining sig’imli bozorlariga chiqish imkonini beradi. Loyihani amalga oshirishning iqtisodiy samarasi yangi korxonalar va o’n minglab ish o’rinlarini yaratish, o’zaro savdo hajmi va sanoat kooperatsiyasi ko’lami, investitsiyaviy jozibadorligi va aholining turmush darajasini oshirish bo’ladi.

Temir yo’l «Qashqar – Torugart – Makmal – Jalolobod – Andijon» yo’nalishi bo’yicha o’tadi. Ushbu magistralda yillik yuk tashish hajmi 15 million tonnagacha bo’lishi mumkin va tovarlarni oxirgi iste’molchilarga yetkazib berish muddati yetti kunga kamayadi. Bundan tashqari, zamonaviy tranzit-logistika infratuzilmasi, omborlar va terminallar yaratiladi.