Telegram 2030-yilgacha $1,7 mlrdlik obligatsiyalar chiqardi

Kapital.uz avvalroq Telegram $1,5 mlrdlik obligatsiyalar chiqarishni rejalashtirayotgani haqida xabar bergandi.

Telegram asoschisi Pavel Durov ma’lum qilishicha, kompaniya yillik 9% daromad bilan $1,7 mlrdlik obligatsiyalar chiqardi.

Qarz qog‘ozlari besh yilga ya’ni 2030-yil iyunigacha joylashtirildi. Uning aytishicha, $950 mlndan ortiq mablag‘ 2026-yil martida to‘lanishi kerak bo‘lgan avvalgi obligatsiyalar chiqarilishini qisman almashtirish uchun yo‘naltiriladi.

Durov investorlarning Telegram obligatsiyalariga bo‘lgan “g‘ayrioddiy” qiziqishini ta’kidladi. Dastlabki $1,5 mlrd joylashtirish summasi oshirilganiga qaramay, “talab taklifdan ancha yuqori bo‘ldi” deya izoh berdi milliarder.

Ushbu yangi moliyalashtirish tufayli 2026 yilda obligatsiyalarimizning qolgan qismini so‘ndirishga yetarli mablag‘ga egamiz. Telegramning daromadliligini inobatga olgan holda, moliyaviy jihatdan a’lo darajadagi holatdamiz, dedi u.

Kapital.uz avvalroq Telegram so‘nggi uch yil ichida birinchi marta daromadga chiqqani va qiymat $1 mlrdni tashkil qilgani haqida ma’lum qilgandi.