“TBC Bank” 128 mlrd so‘mlik qimmatli qog’ozlarni muomalaga chiqardi

“Toshkent” Respublika fond birjasi 2025-yil 28-fevraldan boshlab “TBC Bank” ATBning obligatsiyalarini (TBC2B2 tikeri) birja kotirovkalash varag‘iga kiritdi. 

Bu obligatsiyalar chiqarilishi Istiqbolli loyihalar milliy agentligi tomonidan 2024-yil 23-dekabrda № R0911-2 raqam bilan ro‘yxatdan o‘tkazilgan. Qimmatli qog‘ozlarning kodi UZ6056857AB2. 

Chiqarilgan obligatsiyalarning umumiy hajmi: 128 mlrd so‘m tashkil qilib, ularning umumiy soni 128 mlntaga yetgan. Obligatsiyalarning nominal qiymati 1 000 so‘m bo‘lib, yillik 24% foiz stavkaga ega. 

Kupon to‘lovi har 6 oyda amalga oshiriladi va muomala muddati 730 kun etib belgilangan.