O‘zbekistonda “Tashabbusli byudjet”ning 10-mavsumi fevral oyida boshlanadi

O‘zbekistonda 2026-yil 1-fevraldan “Tashabbusli byudjet” loyihasining o‘ninchi mavsumi boshlanadi. Bu haqda Iqtisodiyot va moliya vazirligi matbuot xizmati xabar berdi.

Dastur joriy yilda besh bosqichda amalga oshiriladi. Jarayon quyidagi tartibda o‘tkaziladi:

• 1–20-fevral — fuqarolardan loyiha takliflarini qabul qilish va ro‘yxatdan o‘tkazish;
• 21-fevral – 7-mart — kelib tushgan arizalarni saralash va tahlil qilish;
• 8–10-mart — loyihalarni targ‘ib qilish bosqichi;
• 11–20-mart — ovoz berish jarayoni;
• 21–31-mart — natijalarni e’lon qilish.

Dastlabki natijalar 21-mart kuni e’lon qilinadi. Oy oxiriga qadar moliyalashtiriladigan loyihalar ro‘yxati shakllantiriladi.

“Tashabbusli byudjet” loyihasi orqali mahallalarda infratuzilmani rivojlantirishga qaratilgan tashabbuslar moliyaviy qo‘llab-quvvatlanadi.