Taras Shevchenko-Said Baraka ko‘chalari kesishmasi foydalanishga topshiriladi

Taras Shevchenko ko‘chasida 24/7 rejimda faoliyat yurituvchi ko‘ngilochar (gastronomik) ko‘chani tashkil etish bo‘yicha loyihaning ikkinchi bosqichida rejalashtirilgan ishlarning asosiy qismi yakunlangandi. Bu haqda Mirobod tumani hokimligi matbuot xizmati ma’lum qildi. 

Shu munosabat bilan 4-fevral kuni soat 18:00 dan Taras Shevchenko ko‘chasi 94-umumta’lim maktabidan Said Baraka ko‘chasi kesishmasigacha bo‘lgan qismi barcha turdagi avtotransport harakatlanishi uchun ochilmoqda. 

Avvalroq, Mirobod tumanida “Westminster” universiteti atrofidagi binolar demontaj qilingani haqida xabar berilgan edi.