Talabalar uchun kontrakt to’lash muddati belgilandi

O’zbekistonda 2024/2025 o’quv yilidan boshlab o’qishga bu yil kirganlar va talabalar uchun kontrakt to’lash muddati belgilandi. Bu haqda oliy ta’lim, fan va innovatsiyalar vazirligi xabar bermoqda.

O’qishga bu yil kirganlar uchun belgilangan summaning kamida 25% joriy yilning 15 sentyabriga qadar yoki O’zbekiston ta’lim tashkilotlariga qabul qilish bo’yicha davlat komissiyasi tomonidan belgilangan sanadan oldin to’lanishi kerak. 

Ikkinchi va yuqori kurs talabalari uchun 2024 yil 1 oktyabrgacha yoki universitet rektori tomonidan uzaytirilgan muddatgacha.

Umumiy to’lovning kamida 50% 2025 yil 1 yanvargacha, 75% 2025 yil 1 martgacha va 100% 2025 yil 1 maygacha yoki universitet rektori tomonidan belgilangan muddatda to’lanishi kerak.