Ozarbayjonning “Socar” kompaniyasi va O‘zbekiston neft qazib olish bo‘yicha bitim imzoladi

21-iyul kuni Prezident Mirziyoyev neft-gaz sohasidagi qo‘shma loyihalarning amalga oshirilishi va kuz-qish mavsumiga tayyorgarlik jarayoni bilan tanishdi.

Asosiy yo‘nalishlar orasida Ozarbayjonning “Socar” kompaniyasi bilan tuzilgan bitim alohida o‘rin tutadi. Mazkur bitim Ustyurt mintaqasidagi hududlarda geologik qidiruv ishlarini olib borish va neft qazib olishni ko‘zda tutadi. Shuningdek, murakkab konlarni o‘zlashtirish, jarayonlarni raqamlashtirish va soha mutaxassislarini tayyorlash bo‘yicha boshqa davlatlar bilan hamkorlik davom ettirilmoqda.

Taqdimot chog‘ida loyihalarning joriy holati va kelajak rejalari to‘g‘risida hisobotlar taqdim etildi. Prezident qidiruv ishlaridan to tayyor mahsulot ishlab chiqarishgacha bo‘lgan to‘liq ishlab chiqarish jarayonini qamrab oladigan aniq tashabbuslarni ishlab chiqishni tezlashtirish bo‘yicha ko‘rsatma berdi. U zamonaviy burg‘ulash usullarini joriy etish hamda mavjud quduqlar, shu jumladan chet el sarmoyasi ishtirokidagi korxonalar samaradorligini oshirish muhimligini alohida ta’kidladi.

O‘tgan yilning avgust oyi oxirida “O‘zbekneftgaz” va “Socar” neft-gaz sohasida hamkorlik to‘g‘risidagi bitimni imzolagan edi.