ILMA “Semurg Insurance” sug’urta kompaniyasini yana jarimaga tortdi

Shuningdek, kompaniya litsenziyasi 10 kunga to'xtatildi

Фото: Spot.uz

O’zbekiston istiqbolli loyihalar milliy agentligi “Semurg Insurance” sug’urta kompaniyasiga moliyaviy ko’rsatkichlar Qonunchilik normalariga mos kelmagani uchun yana 31,5 mln so’m jarima soldi.

Bundan tashqari, kompaniyaning 2023-yil 26-sentabrda berilgan litsenziyasi 2024-yil 15-oktabrdan boshlab 10 kunga to’xtatildi. Ushbu davrda kompaniyaga yangi sug’urta shartnomalarini tuzish va amaldagi shartnomalarni uzaytirish taqiqlangan. Shu bilan birga, u allaqachon tuzilgan shartnomalar bo’yicha majburiyatlarni bajarishi shart.

Eslatib o’tamiz, ILMA “Semurg Insurance”ga qarshi jazo choralarini qo’llagan va jarima miqdori 45 million so’mni tashkil etgan edi.