O’zbekistonda sayyohlik oqimi yil oxiriga kelib 10 million kishiga yetishi mumkin

O’zbekistonga tashrif buyuradigan xorijiy sayyohlar soni yil oxiriga kelib 10 millionga yetishi mumkin. Bu haqda sayyohlik kompaniyalari biznes-forumida turizm qo’mitasi ma’lum qildi.

Sayyohlar sonining tez o’sishi infratuzilmani rivojlantirish, viza rejimini soddalashtirish va yirik xalqaro tadbirlarni o’tkazish bilan izohlanadi.

Hozirgi kunda mamlakatda 6 mingga yaqin mehmonxonalar, yotoqxonalar va boshqa turar joylar mavjud bo’lib, ular mehmonlar uchun 150 mingdan ortiq joylarni taklif etadi.

Eslatib o’tamiz, joriy yilning yanvar-may oylari davomida O’zbekistonga sayyohlik maqsadida 3,5 million chet el fuqarosi kelgan, bu o’tgan yilning shu davriga nisbatan 13,3%ga ko’pdir.