O‘zbekistonliklar Qozog‘istondagi sayohatlarga $800 mingdan ortiq sarflagan

Joriy yilda o‘zbekistonlik sayyohlar Qozog‘istonda jami 392,8 mln tenge ($805,3 ming) sarfladi. Bu haqda “Finprom” portali xabar berdi.

2023-yilga nisbatan bu ko‘rsatkich 20%ga kamaygan.

Xorijliklar asosan xalqaro yo’nalishdagi samolyotlar, poyezdlar va avtobuslarga chipta sotib olishga pul sarflashgan. Keyingi asosiy xarajatlarga kafe yoki restoranlarda oziq-ovqat uchun hamda qo’shimcha xaridlar tashkil etmoqda. 

Shuningdek, eng ko‘p kirimlar Olmaotada qayd etilmoqda. Ushbu ko’rsatkich shahar iqtisodiyoti umumiy xarajatlarining 21,5%ni tashkil etdi. Bu shaharning janubiy poytaxtligi va uning tog‘li kurortlari xorijliklar orasida eng mashhur sayyohlik maskani ekanligi bilan bog‘liq bo’ldi.

Quyida Qozog‘istonda fuqarolari eng ko‘p pul sarflagan yetakchi davlatlar keltirilgan:

• Rossiya – 1,8 mlrd tenge ($3,69 mln);
• O’zbekiston – 392,8 mln tenge ($805,3 ming);
• Turkiya – 299,7 mln tenge ($614,4 ming);
• Qirg‘iziston – 195,4 mln tenge ($400 ming);
• Xitoy – 184,4 mln tenge ($378 ming).