«Uzbekistan Airways» xalqaro reyslarga ro’yxatdan o’tish vaqtini qisqartirdi

Yo'lovchi tashish hajmining oshishi munosabati bilan o'zgarishlar kiritildi

Фото: Uzbekistan Airports

«Uzbekistan Airways» aviakompaniyasi xalqaro reyslarga ro’yxatdan o’tish vaqtini 20 daqiqaga qisqartirdi. Bu haqda aviakompaniya matbuot xizmati xabar bermoqda.

Toshkent shahar xalqaro aeroportida parvozlar soni va yo’lovchi aylanmasi ko’payganini hisobga olib, xalqaro reyslarga ro’yxatdan o’tish bo’yicha yangi qoidalar joriy etildi, — deyiladi xabarda.

Endi «Uzbekistan Airways» xalqaro reyslariga ro’yxatdan o’tish avvalgi 40 daqiqa o’rniga jo’nashdan 1 soat oldin tugaydi.