2025-yildan ayrim quyosh panellarini import qilish taqiqlanadi

2025-yil 1-yanvardan O‘zbekistonga BNEF Tier-1 xalqaro ro‘yxatiga kiritilmagan kompaniyalardan quyosh panellari, invertorlar va elektr energiyasini saqlash tizimlarini import qilish taqiqlanadi. Bu haqda “Gazeta.uz”  prezidentning 11 sentyabrdagi farmoniga asoslanib xabar berdi.

Hujjatga ko’ra, BNEF Tier-1 ro‘yxati Energetika vazirligi va Bojxona qo‘mitasining rasmiy veb-saytlari muntazam e’lon qilinishi har oyda yangilab borilishi kerak. Lekin vazirlik va qo’mita tomonidan bu bo’yicha hali xabar berilmagan.

Ma’lumot uchun, BNEF Tier-1 ro’yxati — bu qayta tiklanadigan energiya bilan shug‘ullanadigan Bloomberg analitik gigantining bo‘linmasi bo‘lgan “Bloomberg New Energy Finance Corp” (BNEF) tomonidan yaratilgan reyting. Ro‘yxatni aniqlashda “Bloomberg” kompaniyaning uskunalari yoki xizmatlarini baholamaydi, balki uning kredit qobiliyati va kredit olish uchun bank talablariga muvofiqligini baholaydi.