O‘zbekistonda qurilish korxonalari soni 54 mingdan oshdi

Milliy statistika qo‘mitasi ma’lumotlariga ko‘ra, 2025-yil 1-mart holatiga qurilish sohasida ro‘yxatdan o‘tgan korxonalar soni 54 258 tani tashkil etgan.

Ularning so‘nggi besh yilning mos davridagi dinamikasi quyidagicha:

• 2021 yil – 44 320 ta;
• 2022 yil – 46 433 ta;
• 2023 yil – 50 324 ta;
• 2024 yil – 53 282 ta;
• 2025 yil – 54 258 ta;

2025-yil yanvar holatiga ko‘ra, O‘zbekiston Respublikasida nodavlat mulkchiligidagi tashkilotlar tomonidan jami 11,6 mlrd so‘m qiymatidagi qurilish ishlari bajarildi, bu jami qurilish ishlarining 99% ni tashkil etadi.

Fevral oyida Senat tomonidan Maʼmuriy javobgarlik to‘g‘risidagi kodeksiga qo‘shimchalar va o‘zgartirishlar kiritildi. Xususan, 500 kvadrat metr va undan katta qurilish maydonida hamda unga tutash hududlarda chang ko‘tarilishi yoki atmosfera havosining me’yordan ortiq ifloslanishiga yo‘l qo‘ygan mansabdor shaxslarga 10 barobar BHM miqdorida jarima solinadi.