“FlyArystan” aviakompaniyasi Qozogʻiston va Oʻzbekiston oʻrtasida qoʻshimcha reyslarni yoʻlga qoʻydi

“FlyArystan” aviakompaniyasi Qozog‘iston va O‘zbekiston o‘rtasidagi reyslarga talab ortib borayotgani munosabati bilan yil oxirigacha ikki davlat poytaxtlari o‘rtasidagi reyslar chastotasini oshiradi. Bu haqda aviakompaniya matbuot xizmati xabar berdi.

Joriy yilning 21-noyabridan seshanba va shanba kunlari mavjud bo‘lgan reyslarga qo‘shimcha ravishda payshanba kunlari Ostona – Toshkent va juma kunlari (Toshkent – ​​Ostona) yo‘nalishi bo‘yicha yangi reyslar qo‘shildi.

Endi yo‘lovchilar 21-noyabrdan 26-dekabrga qadar rejalashtirilgan reyslar uchun chipta sotib olishlari mumkin.

Bunda standart tarifga og’irligi 5 kg gacha, o’lchamlari 56 x 23 x 36 sm va bortda tasodifiy joy bo’lgan bitta qo’l yuki kiradi.