O’zbekiston 2023 yilda Qozog’iston iqtisodiyotiga $22,2 mln sarmoya kiritdi

2023 yilda O’zbekistondan Qozog’istonga to’g’ridan-to’g’ri investitsiyalar hajmi rekord ko’rsatkichga – $22,2 mlnga yetdi, bu 2005 yildan beri eng yuqori ko’rsatkichdir. Bu haqda «Zakon.kz» xabar berdi.

Qozog’iston va O’zbekiston o’rtasidagi investitsiyaviy hamkorlik yangi bosqichga ko’tarilmoqda. Qishloq xo’jaligi, xomashyo va yengil sanoat sohalarida qiymati $2,5 mlrddan ortiq bo’lgan o’nlab ishlab chiqarish loyihalari amalga oshirildi.

2023 yilda yangi investitsiya loyihalari qo’shildi:

• Kostanay viloyatida «Chevrolet Onix» avtomobillarini kichik uzel usulida ishlab chiqarish (33,7 mlrd tenge yoki taxminan $70,5 mln).
• Olmaota viloyatida metall prokat ishlab chiqarish zavodi qurilishi (27,0 mlrd tenge yoki taxminan $56,5 mln).
• Shimkentda steril dozalash shakllari va gigiena vositalarini ishlab chiqarish (4,4 mlrd tenge yoki taxminan $9,2 mln).

Qozog’istonga bo’lgan qiziqish bir qator omillar, jumladan, qulay biznes muhiti, investorlar huquqlarini samarali himoya qilish, investitsiyalarni rag’batlantirish, siyosiy barqarorlik, boy xom ashyo bazasi va inson kapitali bilan izohlanadi.

Shu bilan birga, 2023 yilda Qozog’iston va O’zbekiston o’rtasidagi tovar ayirboshlash hajmi $4,4 mlrdni tashkil etdi, bu o’tgan yilgi ko’rsatkichdan 10,2%ga past. Qozog’istonning O’zbekiston tashqi savdosidagi ulushi: umumiy tovar aylanmasining 7,0%, eksportning 5,6% va importning 7,9%.