Oktyabr oyida Markaziy bank xarid qilgan qimmatli qog’ozlar hajmi $100 mlndan oshdi

Bu ko’rsatkich sentyabr oyiga nisbatan qariy 3 barobarga ko’p

Markaziy bank sotib olgan qimmatli qog’ozlar narxi oktyabr oyi davomida qariyb 3 barobarga oshib, $100,9 mlnni tashkil etdi. Bu haqda regulyator tomonidan taqdim etilgaan ma’lumotlarda keltirilgan.

Xususan, oktabrda qimmatli qog‘ozlar qiymati sentabrga nisbatan 2,82 barobarga ko‘paydi. Hozircha regulyator qaysi qimmatli qogʻozlarga sarmoya kiritgani ma’lum emas.

Avvalgi oylarda qimmatli qog‘ozlar asta-sekin qimmatlashib, taxminan $35 mlnni tashkil etgandi.

Bundan oldin, oktyabr oyida O‘zbekistonning oltin-valyuta zaxiralari $43 mlrdga yetgani haqida xabar berilgandi.