“Silk Avia” Qarshi va Buxoroga qatnovlar sonini ko’paytiradi

29-noyabrdan “Silk Avia” aviakompaniyasi Toshkentdan Buxoro va Qarshiga parvozlar sonini oshirmoqda. Bu haqda aviakompaniya matbuot xizmati xabar berdi.

Unga ko’ra, Toshkent — Buxoro — Toshkent yo‘nalishida haftasiga 19 ta reys amalga oshiriladi. Qo’shimcha US805/806 reysi dushanba, seshanba, payshanba, juma va yakshanba kunlari yo’lga qo’yiladi.

Yangi parvozlar jadvali:

• Toshkentdan uchish – 12:30, Buxoroga kelish – 14:50;
• Buxorodan uchish – 15:30, Toshkentga kelish – 16:50.

Shuningdek, 30-noyabrdan boshlab Toshkent – ​​Qarshi – Toshkent yo‘nalishida qo‘shimcha US703/704 reysi qo’yiladi. Yo‘nalish bo‘yicha qatnovlarning umumiy soni 10 taga yetkaziladi.

Kechki reyslar seshanba, payshanba va juma kunlari quyidagi jadvalga muvofiq amalga oshiriladi:

• Toshkentdan uchish – 18:40, Qarshiga kelish – 20:00;
• Qarshidan uchish – 18:40, Toshkentga kelish – 22:00.