O’zbekiston va Qatar muntazam havo qatnovi sonini ko’paytirmoqchi

O’zbekiston va Qatar mamlakat poytaxtlari o’rtasida muntazam havo qatnovini haftasiga to’rt martadan yetti martagacha oshirishni va Dohani O’zbekiston mintaqaviy aeroportlari bilan bog’lashni rejalashtirmoqda. Bu haqda transport vazirligi xabar bermoqda.

Fuqaro aviatsiyasi rahbari Muhammad Faleh al-Xadjri transport vaziri Ilhom Maxkamov bilan uchrashuvda «Qatar Airways» aviakompaniyasining O’zbekistonga reyslari Doha va Toshkent xalqaro aeroportlari tranzit aviatashuvchilar uchun yanada jozibador bo’lishiga hissa qo’shishini ma’lum qildi.