Pul o‘tkazmalari O‘zbekiston yalpi ichki mahsulotining 14% ni tashkil etdi

O‘zbekistonda pul o‘tkazmalari yalpi ichki mahsulotning 14% ni tashkil etdi. Bu haqda Jahon banki xabar bermoqda.

2023-yilda Tojikiston va Qirg‘izistondan mehnat muhojirlarining 80% dan ortig‘i Rossiyaga ishlash uchun ketgan. O‘zbekistonlik migrantlar turli yo‘nalishlarni tanlagan: 57%i Rossiyada, 15%i Qozog‘istonda, 10%i Ukrainada ishlagan. Markaziy Osiyoning ko‘plab aholisi uchun mehnat migratsiyasi asosiy daromad manbalaridan biri bo‘lib qolmoqda.

2024-yilda migrantlarning pul o‘tkazmalari Tojikiston yalpi ichki mahsulotining 45% ini tashkil etdi — bu dunyodagi eng yuqori ko‘rsatkichdir. Qirg‘izistonda ularning yalpi ichki mahsulotdagi ulushi 24% ga yetdi. Chet elda ishlash migrantlarga ikki-uch barobar ko‘proq pul topishga yordam beradi, bu esa ularning oilalari hayotini sezilarli darajada yaxshilaydi.

Masalan, Qirg‘izistonda pul o‘tkazmalarini oluvchi oilalar orasida kambag‘allik darajasi 10% dan kam, ularsiz esa 50% dan oshgan bo‘lardi. O‘zbekistonda pul o‘tkazmalarisiz kambag‘allik darajasi 9,6% dan 16,8% ga oshgan bo‘lardi.