Pavel Durov bu yozda Markaziy Osiyo mamlakatlariga tashrif buyuradi

Telegram bosh direktori Pavel Durov bu yozda Markaziy Osiyo mamlakatlariga tashrif buyurish rejasini e’lon qildi. Bu haqda tadbirkor o’zining Telegram kanalida ma’lum qildi.

Telegram bosh direktori sifatida men ta’tilga chiqmayman. Buning o’rniga, men foydalanuvchilarimiz bilan g’ayrioddiy joylarda uchrashish orqali ishlashni davom ettiraman. Bu yozda men Markaziy Osiyoga tashrif buyurib, odamlar u yerda qanday yashashlarini, telegramdan qanday foydalanishlarini va raqamli ehtiyojlarini tushunishga qaror qildim, — dedi u.

Milliarder sayohat tafsilotlarini, shu jumladan vaqt va mamlakatlarni oshkor qilmadi. Biroq, u o’zining Telegram kanalida «kashfiyotlar»ni baham ko’rishga va’da berdi.