“O‘ztransgaz”ga yangi boshqaruv raisining qurilish va transport bo‘yicha o‘rinbosari tayinlandi

Bunga qadar u “O‘zenergoinspeksiya” boshlig‘i o‘rinbosari lavozimida faoliyat yuritib kelgan

“O‘ztransgaz” AJ Boshqaruv raisining qurilish va transport bo‘yicha o‘rinbosari etib Sobirov Behzod Boxodir o‘g‘li tayinlandi. Bu haqda “UzA” xabar bermoqda.

Behzod Sobirov ushbu tayinlovga qadar Energetika vazirligi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi – “O‘zenergoinspeksiya” boshlig‘i o‘rinbosari lavozimida faoliyat yuritib kelgan.

Eslab o’tamiz, birinchi chorakda «O’ztransgaz»ning sof foydasi 2,5 trln so’mni tashkil etgan edi.